Байқауға республиканың түкпір-түкпірінен келген 15 оқытушы қатысты. Байқау қорытындысы бойынша қазылар алқасының шешімі негізінде Бас жүлдені Қызылорда облысының тілдерді оқыту орталығының мемлекеттік тіл оқытушысы Г. Дүзенова иеленсе, I жүлделі орынды Жетісу облысы «Тіл» оқу-әдістемелік орталығының мемлекеттік тіл оқытушысы       Ж. Елесбаева жеңіп алды. Жетісу облысының тілдерді дамыту жөніндегі басқармасы мен облыстық оқыту орталығы ұжымы, сонымен қатар облыстық «Жетісу» телеарнасы мен өңірлік БАҚ құралдары барлық құрметпен жеңімпазды қарсы алып, құттықтап, алғыстарын білдірді.