2024 жылғы 27 тамызда Жетісу облысының қоғамдық даму және білім басқармасының «Халықаралық «Қазақ тілі» қоғамы» ҚБ бірлесе ұйымдастыруымен қазақ тілі мен әдебиеті пәні мұғалімдерінің кәсіби біліктілігін, оқыту әдістемесін жетілдіру, шығармашылық әлеуетін дамыту мақсатында аймақтық Тіл форумы өтті.
Форумға облыс мектептерінің қазақ тілі мен әдебиеті пәнінің мұғалімдері, бастауыш сынып мұғалімдері, І. Жансүгіров атындағы Жетісу университетінің оқытушы-ғалымдары, тіл оқыту орталықтарының меңгерушілері және оқытушылары мен әдіскерлері, «Халықаралық «Қазақ тілі» қоғамы» қоғамдық бірлестігінің облыстық, аудан, қалалық филиалдарының төрағалары, зиялы қауым, БАҚ өкілдері (жалпы саны 500-ге жуық адам) қатысты.
Шараның ашылу салтанаты «Ұлттық аударма бюросы» дайындаған қазақ-ағылшын оксфорд сөздігінің (Oxford Qazaq Dictionary) тұсаукесерімен басталды.
Өңірдегі тіл жанашырлары – қазақ тілі мен әдебиеті пәні мұғалімдерінің басын қосқан форумға «Халықаралық «Қазақ тілі» қоғамы» қоғамдық бірлестігінің ғылым және білім мәселелері жөніндегі вице-президенті, ҚР ҰҒА академигі, филология ғылымының докторы, профессор Ш. Құрманбайұлы, Жетісу облысының білім басқармасының басшысы М. Сүлейменов, А. Байтұрсынұлы атындағы Тіл білімі институтының директоры, ғалым, филология ғылымының кандидаты А. Фазылжанова, Абай атындағы Қазақ ұлттық педагогикалық университеті Қазақ тілі теориясы және әдістеме кафедрасының меңгерушісі Н. Ілиясова қатысып, баяндама жасады.
Жиын барысында спикерлер оқулық сапасын және мұғалімдердің кәсіби біліктілігін жетілдіру, қазіргі жастардың жазу мәдениеті мен қазақ тілін оқыту әдістемесіндегі өзекті мәселелерге қатысты өткір ойлары мен ұсыныстарын ортаға салды. Мемлекеттік тілді өскелең ұрпаққа насихаттауға сүбелі үлесін қосып жүрген ұстаздар марапатталды.
Форум жұмысы Тіл сарайында қазақ тілі мен әдебиеті пәні мұғалімдері мен бастауыш сынып мұғалімдерінің секциялық отырысымен жалғасып, педагогтерге сертификат табысталды.
Сабақ аптасына 2 рет, сағ
9:00-18:30 аралығында өтеді. Ұзақтығы: 1 сағат 20 минут.
Жұмыс уақыты: сағ 9:00-18:30
Курс ұзақтығы: 3-6 ай
Басталуы: 12 тамыз 2024 жыл
Мекенжайымыз: Талдықорған қаласы, Тіл сарайы, Қаратал ы/а, 36 Б
ОРЫН САНЫ ШЕКТЕУЛІ
What'sapp нөмірі:
+ 7 (7282) 41-80-20 +7 705 724 50 25.
(19:00-ден кейін мазаламауларыңызды сұраймыз).
Іс-шараның екінші күнінде Жетісу облысының «Тіл» оқу-әдістемелік орталығы Көксу аудандық филиалының меңгерушісі О.К.Қойчибеков тілдерді оқыту платформасының тілді үйретудегі тиімділігі, сабақ барысында қолданылатын әдістерімен бөліссе, мемлекеттік тіл курсының оқытушысы М.Т. Әділбек әріптестеріне қазақ тілін оқытуда цифрлық платформаларды ұтымды пайдалану жолдарын көрсетті.
Ж.М.Андасбек Жамбыл облысы тілдерді оқыту орталығының оқытушысы «Әлеуметтік желілер және біз», Г.Ғ. Сембиева Қызылорда облысының тілдерді оқыту орталығының оқу-әдістемелік бөлімінің басшысы әлеуметтік - тұрмыстық қатынастағы тілдесудің ерекшеліктері мен маңызы және қолданысы жайлы толығынан тоқталып, жаңа әдістермен сабақ көрсетті.
Іс-шараның қорытынды бөлімінде қатысушылар алған әсерлерімен ой өрбітіп, ризашылықтарын білдіріп, Қостанай облысы әкімдігінің мәдениет басқармасы басшысының алғысхатымен марапатталды. Ашық есік күнінің соңы табиғат аясындағы тренингпен аяқталды.
2024 жылдың I жартыжылдығында қабылданған тыңдаушылар саны – 2358 (мемлекеттік тіл - 1942, ағылышын тілі - 416), топ саны - 142. Оның ішінде 631 мемлекеттік, 1202 бюджеттік сала қызметкерлері, 525 жеке тұлға. Ұлттық құрамы: 1658-і қазақ, 700-і этнос өкілдері (29 %).
Мемлекеттік тілді оқыту курсына қабылданған тыңдаушылар саны – 1942, топ саны - 111, оның ішінде 542 мемлекеттік, 1010 бюджеттік сала қызметкерлері, 390 жеке тұлға. Ұлттық құрамы: 1305-і қазақ, 637-і этнос өкілдері (33 %).
Ағылшын тілі курсына 416 тыңдаушы қабылданды. Топ саны - 31, оның ішінде 89 мемлекеттік, 192 бюджеттік сала қызметкерлері, 135 жеке тұлға. Ұлттық құрамы: 353-і қазақ, 63-і этнос өкілдері (15%).
Облыстық орталықта ағылшын тілі курсы бойынша 416, мемлекеттік тіл курсы бойынша 1942 тыңдаушы тіл үйреніп шықты.
Мемлекеттік тіл курсынан 1061 тыңдаушыға сертификат,705 тыңдаушыға куәлік табысталды, 92 тыңдаушыға анықтама берілді. 84 тыңдаушы курстан шықты. Ағылшын тілі курсынан 333 тыңдаушыға 83 тыңдаушыға анықтама берілді.
Қостанай облысы әкімдігі мәдениет басқармасының «Тілдарын» облыстық тілдерді оқыту орталығы» КММ-сі 2024 жылдың 27-28 маусым аралығында Шайсұлтан Шаяхметовтың 85 жылдығына орай оқытушылардың кәсіби шеберліктерін дамыту мақсатында «Тіл-халық рухы» атты республикалық ашық есік күнін өткізуде.
Аталған шараға Ш. Шаяхметов атындағы «Тіл-Қазына» ұлттық ғылыми практикалық орталығы, Жетісу облысының «Тіл» оқу әдістемелік орталығы, Жамбыл, Қызылорда және өз өңіріміздің тілдерді оқыту орталықтарының басшылары мен мамандары, оқытушылары қатысты.
Бағдарламаға сәйкес орталық басшысы Т.Ә.Айтмағамбетова орталықтың атқарып жатқан жұмыстарымен таныстырып, Ш.Шаяхметов атындағы «Тіл-Қазына» ұлттық ғылыми-практикалық орталығының медиа-сарапшысы, журналист Ж. Жұмаділұлы «Мемлекетшіл тұлғаның болмысы» Ш.Шаяхметовтың ағартушылық өмірінің тың деректерімен бөлісті. Жетісу облысының «Тіл» оқу-әдістемелік орталығының басшысы Ж.Х.Жолдыбаев «Орталық жұмысын жүйелендіру» тақырыбында баяндама жасап, тілдерді оқыту жүйесін оңтайландыру туралы тәжірибесімен бөлісті.
Шараның екінші бөлімінде Рудный қалалық тілдерді оқыту орталығының оқытушысы Л.А. Кульбаева, «Тілдарын» облыстық тілдерді оқыту орталығының оқытушысы Б.Т.Ахметжанова шеберлік сабақ көрсетіп, өзара тәжірибе алмасты.
Екінші күні орталығымыздың мамандары О. Қойчибеков және М. Әділбек шеберлік сабағын көрсетеді.