2025 жылғы 15 мамырда Тіл сарайының Мәжіліс залында Жетісу облысы қоғамдық даму басқармасы және Жетісу облысының «Тіл» оқу-әдістемелік орталығының ұйымдастыруымен ұлы ойшыл, ақын Абай Құнанбайұлының 180 жылдығына арналған «Абай әлемі» атты облыстық семинар өтті. Модераторы - Жетісу облысы “Тіл” оқу-әдістемелік орталығының басшысы Ж. Жолдыбаев. Жетісу облысының қоғамдық даму басқармасының басшысының орынбасары Түстікбаева Ілияс Нұрболұлы іс-шараны кіріспе сөзімен ашты. Шараның негізгі бөлімінде ф.ғ.д., профессор, А.Байтұрсынұлы атындағы Тіл білімі институтының бас ғылыми қызметкері Б.Момынова “Абай және Шәкәрім өлеңдеріндегі рухани, материалдық тілдік бірліктердің қолданысы: ұқсастықтар мен айырмашылықтар”, Абай атындағы ҚазҰПУ «Хәкім Абай» орталығының бас ғылыми қызметкері, ф.ғ.к., абайтанушы Ж. Шойынбет “Хәкім Абайдың даналығы”, І. Жансүгіров атындағы Жетісу университетінің оқытушысы, ф.ғ.к., С. Қожағұлов “ Абайдың ізгі ниеті мен асыл мұраты” тақырыбында баяндама жасады.
Іс-шара барысында ф.ғ.к., Жетісу облысы әкімдігінің Әдеп жөніндегі уәкілі, Ғ.Тұрсынбайұлы, Қазақстан Жазушылар және Журналистер одағының мүшесі, Қазақстан Республикасының Мәдениет қайраткері, Қазақстанның Құрметті журналисі Әміре Әрін, Қазақстанның Құрметті журналисі, Қазақстан Жазушылар одағының мүшесі Н. Әбдірахым Абай шығармаларының тәрбиелік мәні мен маңызына тоқталды. Іс-шара барысында С. Сейфуллин атындағы орталық кітапхана Абай Құнанбайұлының өмірі мен шығармашылығына бағытталған кітап көрмесін ұсынды. Семинарға белгілі абайтанушылар, жетісулық зиялы қауым өкілдері, мемлекеттік қызметкерлер, ғалымдар мен тіл мамандары, атап айтқанда: мемлекеттік қызметтің ардагері Р. Есдәулетов, Жетісу облысы әкімінің инспекторы, ақын, «Ерен еңбегі үшін» медалінің иегері Г. Қасен, Жетісу облысы дін істері жөніндегі басқарма басшысы С. Жаңабай, «Жетісу Медиа» КМК контент-менеджері, ҚР Мәдениет қайраткері, Қазақстанның Құрметті журналисі Ж. Жайлаубаев, Облыстық «Jetisý» газетінің бас орынбасары Р. Тұрғанбаев, «Жетісу» телеарнасы» ЖШС ақпараттық саясат және БАҚ-пен жұмыс бөлімінің басшысы Д. Атантелов және т.б қатысты.
24 сәуірде Алматы облысы Қонаев қаласында Қазақстан Республикасының Ғылым және жоғары білім министрлігі Алматы облысы әкімдігінің қолдауымен «Мемлекеттік тіл саясаты: тәжірибелер мен инновациялар» тақырыбында республикалық семинар басталды. Аталған семинарға Жетісу облысы қоғамдық даму басқармасының тілдерді дамыту және ономастика бөлімінің бас маманы
Қ. Бозтаева және Жетісу облысы «Тіл» оқу-әдістемелік орталығы Ақсу аудандық филиалының меңгерушісі Т. Шермұханова қатысты. Семинардың марапаттау бөлімінде тілдерді дамыту және ономастика бөлімінің бас маманы Қ.Бозтаева ҚР Ғылым және жоғары білім министрлігінің Құрмет грамотасымен, орталығымыздың Ақсу аудандық филиалы меңгерушісі Т. Шермұханова ҚР Ғылым және жоғары білім министрлігінің Алғысхатымен марапатталды.
2025 жылғы 10 сәуірде Жетісу облысының «Тіл» оқу-әдістемелік орталығының ұйымдастыруымен Ахмет Байтұрсынұлы атындағы облыстық «Үздік оқытушы – 2025» облыстық байқауы өтті. Үздік оқытушылар додасы 3 кезеңнен тұрды.
Алғашқы кезеңінде қатысушылар тілді оқытуда пайдаланатын заманауи технологияларымен таныстырды. Екінші кезеңде әдістеме бойынша сұрақтарға жауап берсе, үшінші кезеңде үміткерлер В2 - орта деңгей тыңдаушыларынан құралған топпен сынама сабақ өткізді.
Сайысқа Жетісу облысы «Тіл» оқу-әдістемелік орталығының аудандық және қалалық филиалдарынан 10 үміткер бақ сынады.
Байқауға қоғамдық даму басқармасы тіл бөлімінің басшысы Т. Рахымберлина, №11 орта мектептің мұғалімі М. Халыққызы және «Үздік оқытушы -2023» республикалық байқауының бас жүлде иегері Ж. Елесебаева төрелік етті.
Байқаудың шымылдығын мекеме басшысы Ж. Жолдыбаев кіріспе сөзімен ашып, қатысушыларға сәттілік тіледі.
Байқау қорытындысы бойынша:
І орынды Айгерім Молдабаева (Ескелді ауданы), ІІ орынды Айдана Маманқызы (Ақсу ауданы) және Жадыра Шатырбаева (Көксу ауданы) теңдей бөліссе, ІІІ орынды Мадина Айтова (Лепсі ауылы) иеленді. Қалған
6 қатысушыға ынталандыру жүлдесі берілді. Байқауға қатысушыларға алғысхаттар, дипломдар мен ақшалай сертификаттар табысталды.
Шара соңында мекеме басшысы құттықтау сөз сөйлеп, қазақ тілі оқытушыларының Ахмет Байтұрсынұлы атындағы «Үздік оқытушы-2025» облыстық байқауының жүлдегерлеріне сәттілік тілеп, байқауға қатысқан барлық қатысушыларға ризашылығын білдірді. Биыл аталмыш байқау қыркүйек айына жоспарланып отыр. 2024 жылы байқауға Жетісу облыстық «Тіл» оқу-әдістемелік орталығының Көксу аудандық филиалының меңгерушісі О. Қойчибеков қатысып, жүлделі ІІІ орынды қанжығалаған еді.
2025 жылғы 2 сәуірде Жетісу облысы Тіл оқу-әдістемелік орталығы мен Жетісу университеті арасында ынтымақтастық туралы Меморандумға қол қойылды! Бұл маңызды келісім – мемлекеттік тілді дамыту, білім беру сапасын арттыру және ғылыми ынтымақтастықты нығайту жолындағы үлкен қадам.
Шара барысында Жетісу университетінің басқарма төрағасы - ректор, заң ғылымдарының докторы, профессор Ермек Бөрібаев Жетісу облысы Тіл оқу-әдістемелік орталығының басшысы Жеңіс Хамитұлы сөз сөйлеп, Меморандумның маңыздылығын атап өтті.
Филология ғылымдарының докторы, профессор, ілиястанушы Иманғазинов Мұратбек Мүбаракханұлы өз кезегінде мемлекеттік тілді оқыту сапасын жетілдіру мен жаңа әдістемелік құралдарды әзірлеудің маңыздылығына тоқталып, бұл келісімнің тіл үйренушілерге үлкен мүмкіндік беретінін айтты.
Мекеме басшысы Жеңіс Хамитұлы, қазақ тілін меңгеруге бағытталған инновациялық әдістер мен ғылыми зерттеулердің рөлін, университетпен бірігіп атқарылған толымды істерді атап өтіп, университет пен орталық арасындағы бірлескен жобалардың болашағына, іскерлік қарым-қатынастың бұдан әрі нығаятындығына сенім білдірді.
Ынтымақтастық аясында:
✅ Оқытушылар мен студенттерге арналған курстар, семинарлар, тренингтер ұйымдастырылады;
✅ Ғылыми-әдістемелік зерттеулер жүргізіп, үздік тәжірибелерді қолданылады;
✅ Қазақ тілін меңгеруге арналған инновациялық жобаларды жүзеге асырылады.
2025 жылғы 28 наурызда Жетісу облысы «Тіл» оқу-әдістемелік орталығының мемлекеттік тіл курсы В2 ортадан жоғары деңгей және іс жүргізу курсының тыңдаушыларына сертификат табысталды.
Сертификаттау табыстау рәсімінде мекеме басшысы Ж. Жолдыбаев кіріспе сөз сөйлеп, мемлекеттік тілде сауатты жазу мен тілдік норманы сақтаудың мәні мен маңызына тоқталды.
2025 жылғы І тоқсанда В2 деңгейі және ісжүргізу курсы бойынша 563 тыңдаушы курсты аяқтады. Оның ішінде: В2 деңгейі бойынша - 422 тыңдаушы, Іс жүргізу курсы бойынша - 141 тыңдаушы.
Тыңдаушылардың азаматтық құрамы бойынша: 211 мемлекеттік қызметшілер, 236 бюджеттік сала қызметкерлері, 116 жеке тұлға. Ұлттық құрамы: 444-і қазақ, 119-ы этнос өкілдері.
Шара соңында 533 тыңдаушыға сертификат табысталды
Сіздерді тегін қазақ тілі (B2 деңгейі) және іс жүргізу курстарына қатысуға шақырамыз!
Курс барысында сіз:
Қазақ тілін B2 ортадан жоғары деңгейде меңгересіз;
Ресми құжаттарды сауатты толтыруды үйренесіз;
Іс жүргізу талаптарымен танысасыз;
Тәжірибелі мамандардан кеңес аласыз.
Басталу күні: 1 сәуір, 2025 жыл
Өтетін орны: Талдықорған қаласы, Тіл сарайы, Қаратал 36 Б.
Тіркелу: 8 (7282) 41-80- 20, 8 708 826 59 50,
Курсқа 18 жастан асқан кез келген азамат қатыса алады.
Орындар шектеулі! Тіркелуге асығыңыз!
Жетісу облысы «Тіл» оқу-әдістемелік орталығының аудандық және қалалық филиалдарында Наурызнаманың 10 күндігі аясында 13 іс-шара өтті. Оның ішінде: 1 қайырымдылық акциясы, 3 тазалық акциясы, 3 бейнеролик, 6 танымдық сабақ.
Жер-ана жасарып, тұмса табиғат бусанып, Ақтың молаятын, Жарықтың ұзаратын, Нұрдың молығатын, Тіршіліктің жаңаратын, Өмірдің жаңғыратын, Пейілдің түзелетін, Көңілдің кеңитін кезеңі - Әз Наурыз мейрамы құтты болсын!
Жетісу облысы «Тіл» оқу-әдістемелік орталығының басшысы Ж. Жолдыбаев және Ескелді аудандық филиалының меңгерушісі Ә. Молдабаева 17 наурызда Астана қаласындағы Ш. Шаяхметов атындағы ұлттық ғылыми-практикалық орталығына жұмыс сапарымен барып қайтты.
Іссапар барысында орталықтың өнім шығару жұмыстары бойынша ақылдасып, іс-тәжірибе алмасты.
Мекеме басшысы
© 2020 «Жетісу облысының «Тіл» оқу-әдістемелік орталығы» КММ
ҚР, Жетісу облысы, г.Талдыкорган, Микрорайон КАРАТАЛ, 36Б
8(7282) 41-80-20
