2023 жылдың 8 тамыз күні Алакөл аудандық филиалының ұйымдастыруымен қазақтың ортақ мақтанышына айналған халқымыздың ұлы перзенті, ақын, философ, ғұлама Абай Құнанбайұлының туғанына 178 жыл толуына орай “40398 әскери бөлімінің” В1,В2 және мекеме қызметкерлерінің қатысуымен “Ұлы халықтың – ұлы Абайы” атты танымдық сабақ өткізілді.
Шара барысында “Алакөл аудандық Тіл оқу-әдістемелік орталығының” меңгерушісі баяндама оқып, В2 тобының тыңдаушылары А.Құнанбаевтың өлеңдерін жатқа оқып жарысты. Жалпы шара барысында “40398 әскери бөлімінің” қызметкерлері белсене қатысып, ақынның өмірбаянынан қызықты жайыттар мен естеліктерімен бөлісті.
Шара соңы Алакөл аудандық орталық кітапханасының тағылымға толы кітап көрмесі көрсетіліп, шара қонақтарының ізгі тілектерімен аяқталды.