Биыл қазақ тілінің дамуына өлшеусіз үлес қосқан көрнекті ғалым, қазақ тіл ғылымының білгірі, ҚР ҰҒА академигі, филология ғылымдарының докторы, профессор, ҚР-ның еңбек сіңірген ғылым қайраткері Рәбиға СЫЗДЫҚТЫҢ туғанына 100 жыл толып отыр.
2024 жылғы 10 қыркүйекте ғалымның 100 жылдық мерейтойына орай Жетісу облыстық «Тіл» оқу-әдістемелік орталығының және Жетісу университетінің ұйымдастыруымен «Ғылым мен ғұмыр» тақырыбында облыстық ғылыми семинар өтті.
Семинарда алғы сөз алған әрі модераторлық еткен орталық басшысы
Ж. Жолдыбаев, Рәбиға Сыздықованың тіл білімі саласындағы орасан еңбегін атап өтіп, шараның мәні мен маңызына тоқталды.
Семинар барысында Рәбиға апамыздың өмір жолы мен ғылымға бетбұрысы жайлы, жазған еңбектері мен зерттеулері туралы орталық оқытушысы М. Әділбек «Ғылым мен ғұмыр», І. Жансүгіров атындағы Жетісу университетінің оқытушысы, педагогика ғылымдарының магистрі, докторант А. Алтай «Рабиға Сыздық және тіл білімі» облыстық «Тіл»
оқу-әдістемелік орталығы Ескелді аудандық филиалының меңгерушісі
А. Молдабаева «Рабиға Сыздық және қазақ тілтанымы» тақырыптары бойынша баяндама жасады.
Баяндамада ғалымның «жар – қабырға» (қабырға газеті – жар газеті), «ұлықсат – рұқсат», «ылайық – лайық», «уағда – уәде» және т. б дублет сөздерге, орфоэпиялық нормаға, пунктуацияға қатысты зерттеулеріне, «Абай шығармаларының тілі» еңбегіне шолу жасалды.
Тағылымы мен өнегесі мол іс-шараға қатысқан Жетісу облыстық «Тіл» оқу-әдістемелік орталығының қызметкерлері мен жетісу университетінің «Қазақ тілі мен әдебиеті» мамандығы студенттері, ғалымның өміріне қатысты тың деректерге қанық болды.
Өз кезегінде, Жетісу облысы қоғамдық даму басқармасының бөлім басшысы Т. Рахымберлина жастарды тілді құрметтеуге, білім мен ғылым іздеуден жалықпауға шақырды.
2024 жылғы 26 қыркүйекте жазушы, драматург, ақын, аудармашы, зерттеуші Жүсіпбек Аймауытовтың 135 жылдық мерейтойына орай, жазушының өмір жолын таныстыру және мемлекеттік тілді дамыту мақсатында Жетісу облысының «Тіл» оқу-әдістемелік орталығының ұйымдастыруымен «Сөз жампозы – Жүсіпбек» атты мемлекеттік тілді жетік меңгерген этнос өкілдері арасында облыстық байқау өтті.
Байқауға облыстық орталықтың мемлекеттік тілді жетік меңгерген 18 бен 50 жас аралығындағы этнос өкілдері қатысты. Қатысушылардың арасында өзбек, орыс, шешен, испан, кәріс, ұйғыр ұлтының өкілдері болды.
Байқау 3 (үш) бағыт бойынша өткізілді.
«Өзге емес, өзім айтам өз жайымда» – кезеңінде қатысушылардың өз өлкесін таныстыруына шығармашылық еркіндік (өлеңмен, әнмен, сахналық қойылым және презентация, бейнеролик арқылы) берілді.
Екінші кезеңде қатысушылар жазушының өміріне байланысты тың деректермен таныстырды.
3. «Сауатты жазу - тіл мәдениетінің бір көрінісі» – бағыты бойынша диктант жазу кезеңінде қазақ тілінде сауатта жазуына баса назар аударылды.
Үш бағыт бойынша қарым-қабілетін көрете білген, жазушы Ж. Аймауытовтың сан түрлі қырын ашып көрсете алған, өзінің туып-өскен өлкесінің ерекшеліктерін таныстыра алған қатысушылар жүлдегерлер қатарына ілікті.
Байқау қорытындысы бойынша:
Бас жүлдені – Қасиетті Қаратал өлкесінің туын көтеріп келген – Ирина Цой иеленді. Арайлы Ақсу ауданынан келген Хасанова Сацита 1-орынды, айдынды Алакөл ауданынан келген Ташибаева Мадина 2- орынды алса, 3-орынды Көксу ауданының қатысушысы - Мадатова Зуляль қанжығалады.
Қатысушылардың барлығына алғысхат, дипломмен қатар ақшалай сертификаттар табысталды.
Мемлекеттік тілді меңгеруде белсенді білім стратегияларын тиімді қолданудың инновациялық аспектілері
2024 жылғы 19 қыркүйекте облыстық «Тіл» оқу-әдістемелік орталығының және Ескелді аудандық филиалының ұйымдастыруымен Талдықорған қаласында Қазақстан Республикасындағы тіл саясатын дамытудың 2023-2029 жылдарға арналған тұжырымдамасы аясында мемлекеттік тілді оқытудың әдістемесін жетілдіру, озық тәжірибені зерделеу және қорыту, оқытудың инновациялық әдістері мен технологияларын тәжірибеге енгізу мақсатында «Мемлекеттік тілді меңгеруде білсенді білім стратегияларын тиімді қолданудың инновациялық аспектілері» атты облыстық семинар өтті.
Семинар барысында мекеме басшысы Ж. Жолдыбаев тыңдаушыларға, оқушыларға қазақ тілін үйретуде заманауи әдіс-тәсілдерді меңгерудің мәні мен маңызына тоқталды.
Шараға І.Жансүгіров атындағы Жетісу университетінің оқытушы-ғалымдары, Ескелді ауданы бойынша жалпы білім беретін мектептің қазақ тілі мен әдебиеті мұғалімдері, орталықтың тіл мамандары, БАҚ өкілдері қатысты.
Шара барысында ф.ғ.д., профессор Мұратбек Мұбыракханұлы Иманғазинов «Білім мен ғылым интеграциясы және еуропалық білім кеңістігі» мини дәріс, ф.ғ.к., доцент Сайлау Қажыбекұлы Қожағұлов «Тілдік тұлға моделі» тақырыбында ғылыми баяндама оқыды. «Жетісу» газетінің жауапты хатшысы Е.Кенебаева «Мемлекеттік тілдің БАҚ-тағы көрінісі» туралы өзекті мәселелерді қозғады.
Жетісу облысының «Тіл» оқу-әдістемелік орталығының Көксу аудандық филиалының меңгерушісі, 2024 жылғы «Үздік оқытушы» байқауының жүлдегері Олжас Кенжебекұлы «Тілді оқытуға арналған платформалар» атты жасанды интеллект бойынша шеберлік сабағын көрсетсе, Ескелді аудандық филиал меңгерушісі Әйгерім Болатбекқызы Молдабаева «Мемлекеттік тілдің функционалдық дамуы» тақырыбымен семинарды қорытындылады.
Семинар барысында қатысушылар өз ойларын айтып, мемлекеттік тілді меңгерудегі тиімді әдіс-тәсілдермен танысып, ризашылықтарын білдірді. Барлық қатысушыларға семинар сертификаттары табысталды.
5 қыркүйек – Қазақстан халқының тілдері күні мерекесі – қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының туған күнімен байланысты.
Осы мерекеге орай Жетісу облысының қоғамдық даму басқармасы және облыстық «Тіл» оқу-әдістемелік орталығының ұйымдастыруымен «Тіл – татулық тірегі» атты салтанатты шара өтті.
Шараның шымылдығын Жетісу облысының қоғамдық даму басқармасының басшысы Бауыржан Бақытұлы Абибеков алғы сөзбен ашты. Басқарма басшысы өз кезегінде тіл жанашырларын кәсіби мерекемен құттықтап, тіл саласында еселі еңбек етіп жүрген мамандарды марапаттады.
Атап айтсақ, Қазақстан Республикасы Ғылым және жоғары білім министрінің Құрмет грамотасымен облыстық «Тіл» оқу-әдістемелік орталығының басшысы Жолдыбаев Жеңіс Хамитұлы, бөлім меңгерушісі
М. Қуандық марапатталса, Панфилов аудандық филиалының меңгерушісі
А. Калибековке, орталық оқытушысы М. Маралбаеваға, Текелі қалалық филиалының меңгерушісі А. Қалысбаеваға, Қаратал аудандық филиалының меңгерушісі Г. Есболоваға, Көксу аудандық филиалының меңгерушісі
О. Қойчибековке облыс әкімі орынбасарының алғыс хаты табыс етілді. Жетісу облысының қоғамдық даму басқармасы басшысының Алғыс хаты Алакөл аудандық филиалының меңгерушісі Р. Сейтхановаға, Ақсу аудандық филиалының меңгерушісі Н.Тілеубергеноваға табысталды.
«Халықаралық «Қазақ тілі» қоғамы қоғамдық бірлестігі» Жетісу облыстық филиалы төрағасының Алғыс хаты Ақсу аудандық филиалының меңгерушісі Т. Шермұхановаға, Алакөл аудандық филиалының оқытушысы М. Жанарбекке берілді.
Айтулы мерекеде ана тілімен қатар мемлекеттік тілді меңгеру парызым деп санайтын облыстық «Тіл» оқу-әдістемелік орталығының тыңдаушысы Қазақстан Республикасы Ұлттық ұланы 5514 әскери бөлімінің тәрбие және әлеуметтік-құқықтық жұмыстар бөлімше бастығының аға көмекшісі Сон Александр Витальевич сөз сөйлеп, тіл үйретіп жүрген орталық ұжымына алғысын білдірді.
Сондай-ақ, мекеме басшысы Жеңіс Хамитұлы Жолдыбаевқа, заңгер, кадр жөніндегі инспекторы Д. Нұртаеваға «ҚЫЗМЕТ» мемлекеттік, банк мекемелері және қоғамдық қызмет көрсету қызметкерлерінің Салалық кәсіптік одағы» атынан «Еңбек адамы» төсбелгісі табысталды.
Шараға зиялы қауым өкілдері, Жетісу облысының әкімдігіне қарасты облыстық басқарманың тілге жауапты мамандары, облыстық «Тіл» оқу-әдістемелік орталығы және филиалдарының қызметкерлері, тыңдаушылар, «Халықаралық «Қазақ тілі» қоғамы» қоғамдық бірлестігі Жетісу облыстық, Талдықорған қалалық филиал өкілдері, жастар, бұқаралық ақпарат құралдары өкілдері қатысты.
Барлық марапат иелерін шын жүректен құттықтаймыз! Еңбектеріңіз жемісті болсын!
2024 жылғы 27 тамызда Жетісу облысының қоғамдық даму және білім басқармасының «Халықаралық «Қазақ тілі» қоғамы» ҚБ бірлесе ұйымдастыруымен қазақ тілі мен әдебиеті пәні мұғалімдерінің кәсіби біліктілігін, оқыту әдістемесін жетілдіру, шығармашылық әлеуетін дамыту мақсатында аймақтық Тіл форумы өтті.
Форумға облыс мектептерінің қазақ тілі мен әдебиеті пәнінің мұғалімдері, бастауыш сынып мұғалімдері, І. Жансүгіров атындағы Жетісу университетінің оқытушы-ғалымдары, тіл оқыту орталықтарының меңгерушілері және оқытушылары мен әдіскерлері, «Халықаралық «Қазақ тілі» қоғамы» қоғамдық бірлестігінің облыстық, аудан, қалалық филиалдарының төрағалары, зиялы қауым, БАҚ өкілдері (жалпы саны 500-ге жуық адам) қатысты.
Шараның ашылу салтанаты «Ұлттық аударма бюросы» дайындаған қазақ-ағылшын оксфорд сөздігінің (Oxford Qazaq Dictionary) тұсаукесерімен басталды.
Өңірдегі тіл жанашырлары – қазақ тілі мен әдебиеті пәні мұғалімдерінің басын қосқан форумға «Халықаралық «Қазақ тілі» қоғамы» қоғамдық бірлестігінің ғылым және білім мәселелері жөніндегі вице-президенті, ҚР ҰҒА академигі, филология ғылымының докторы, профессор Ш. Құрманбайұлы, Жетісу облысының білім басқармасының басшысы М. Сүлейменов, А. Байтұрсынұлы атындағы Тіл білімі институтының директоры, ғалым, филология ғылымының кандидаты А. Фазылжанова, Абай атындағы Қазақ ұлттық педагогикалық университеті Қазақ тілі теориясы және әдістеме кафедрасының меңгерушісі Н. Ілиясова қатысып, баяндама жасады.
Жиын барысында спикерлер оқулық сапасын және мұғалімдердің кәсіби біліктілігін жетілдіру, қазіргі жастардың жазу мәдениеті мен қазақ тілін оқыту әдістемесіндегі өзекті мәселелерге қатысты өткір ойлары мен ұсыныстарын ортаға салды. Мемлекеттік тілді өскелең ұрпаққа насихаттауға сүбелі үлесін қосып жүрген ұстаздар марапатталды.
Форум жұмысы Тіл сарайында қазақ тілі мен әдебиеті пәні мұғалімдері мен бастауыш сынып мұғалімдерінің секциялық отырысымен жалғасып, педагогтерге сертификат табысталды.
Сабақ аптасына 2 рет, сағ
9:00-18:30 аралығында өтеді. Ұзақтығы: 1 сағат 20 минут.
Жұмыс уақыты: сағ 9:00-18:30
Курс ұзақтығы: 3-6 ай
Басталуы: 12 тамыз 2024 жыл
Мекенжайымыз: Талдықорған қаласы, Тіл сарайы, Қаратал ы/а, 36 Б
ОРЫН САНЫ ШЕКТЕУЛІ
What'sapp нөмірі:
+ 7 (7282) 41-80-20 +7 705 724 50 25.
(19:00-ден кейін мазаламауларыңызды сұраймыз).
Мекеме басшысы
© 2020 «Жетісу облысының «Тіл» оқу-әдістемелік орталығы» КММ
ҚР, Жетісу облысы, г.Талдыкорган, Микрорайон КАРАТАЛ, 36Б
8(7282) 41-80-20
