Жетісу облысы "Тіл" оқу-әдістемелік орталығының мемлекеттік тілді оқыту курсы, А1 деңгейінің тыңдаушылары емтихан тапсырды.
Оқытушы М.Маралбаева.
Жетісу облысы «Тіл» оқу-әдістемелік орталығы Текелі қалалық филиалы мемлекеттік тіл курсының А2— Базалық деңгейінің тыңдаушылары емтихан тапсыруда.
2024 жылы 18 желтоқсанда ағылшын тілі курсының А1 (beginner) және А2 (elementary) деңгей тыңдаушылары қорытынды емтихан тапсырды.
ҚР Ғылым және жоғары білім министрлігі ҚР ҒЖБМ Ғылым комитетінің Ахмет Байтұрсынұлы атындағы Тіл білімі институты, Farabi University, 8 Türk Akademisi - Turkic Academy және Халықаралық "Қазақ тілі" қоғамының ұйымдастыруымен 2024 жылдың 10 желтоқсанында Қазақстан Республикасы Ұлттық ғылым академиясының академигі, Қазақ КСР-нің еңбек сіңірген ғылым қайраткері, Ш.Уәлиханов атындағы І дәрежелі сыйлықтың иегері, Түркияның Türk Dil Kurumu құрметті мүшесі, Башқұртстан Ұлттық ғылым академиясының құрметті академигі, Халықаралық "Қазақ тілі" қоғамының құрметті президенті, Ұлы Отан соғысының ардагері, филология ғылымдарының докторы, профессор, аса көрнекті түркітанушы-лингвист Әбдуәли Туғанбайұлы ҚАЙДАРДЫҢ туғанына 100 жыл толуына орай «Мәдениет – Өркениет – Жаһаният контексіндегі гуманитарлық ғылым: Тіл, Этнос, Қоғам» тақырыбында халықаралық конгресс өткізді.
Іс-шараны Әл-Фараби атындағы ҚазҰУ ректоры Жансейіт Түймебаев ашты. ҚР Президентінің кеңесшісі Мәлік Отарбаев Мемлекет басшысының құттықтауын оқыды. ҚР Парламенті Сенатының төрағасы Мәулен Әшімбаевтың құттықтау сөзін Сенат депутаты Дархан Қыдырәлі алып келді. Сондай-ақ ҚР Ғылым және жоғары білім министрі Саясат Нұрбектің құттықтауын ҚР ҒЖБМ Жоғары және жоғары оқу орнынан кейінгі білім комитеті төрағасы Гүлзат Көбенова жеткізді.
⚜️Конгресте академик Әбдуәли Туғанбайұлы ҚАЙДАРДЫҢ ғылыми мұрасынан бастау алатын қазақ тіл біліміндегі, филология және түркітанудағы ғылыми парадигмалар талқыланды.
⚜️Іс-шараға Жетісу облысы «Тіл» оқу—әдістемелік орталығының басшысы Ж. Жолдыбаев, бөлім меңгерушісі М. Қуандық, Ескелді аудандық филиалының меңгерушісі Ә. Молдабаева және мемлекеттік тіл курсы оқытушысы М. Әділбек қонақ ретінде қатысты.
⚜️Сондай-ақ, шетелдік және отандық ғалымдар, тілтанушылар, ЖОО оқытушылары және БАҚ өкілдері қатысты.
Жетісу облысы «Тіл» оқу-әдістемелік орталығының басшысы Ж. Жолдыбаев
ҚР жергілікті мемлекеттік басқару және өзін-өзі басқарудың дамуы мен қалыптасуына қосқан үлесі үшін «Қазақстан Республикасы мәслихаттарына 30 жыл» төсбелгісімен марапатталды.
Жеңіс Хамитұлын шын жүректен алған марапатымен құттықтап, қызметіне шығармашылық табыс тілейміз!
Жетісу облысы «Тіл» оқу-әдістемелік орталығы Көксу аудандық филиалының меңгерушісі О. Қойчибеков Абай облысы лингвистикалық орталығының қызметкерлеріне «Zoom» арқылы «Тілдерді оқытуға арналған платформалар» тақырыбында онлайн шеберлік сағатын өткізіп, әдістемелік көмек көрсетті.
Жасанды интеллект, wepik, Chat-gpt сияқты көмекші құралдарды практика жүзінде пайдаланып, түрлі тапсырмалар дайындап, презентация жасап көрсетті.
Шеберлік сағатына Абай облысы лингвистикалық орталығының 10 оқытушы-әдіскерлері қатысты.
Жетісу облыстық «Тіл» оқу-әдістемелік орталығының белсенді қызметкерлерінің арасында креативті топ құрылды. 21 қарашада аталған топ мүшелерінің жиыны өтті.
2024 жылғы 14 қарашада Қарағанды облысы тілдерді дамыту басқармасы және Қарағанды облысы тілдерді оқыту орталығының ұйымдастыруымен «Жасанды интеллект: тіл үйретудегі рөлі мен мүмкіндігі» тақырыбында республикалық семинар-кеңес өтті.
Құттықтау сөзді Қарағанды облысы тілдерді дамыту жөніндегі басқарма басшысы Әбеуова Салтанат Мірәсілқызы алды.
Семинардың алғашқы бөлімінде Қарағанды облысы тілдерді оқыту орталығының директоры А. Игенова «Заманауи оқу құралдары: тіл үйретудегі рөлі мен маңызы» тақырыбында баяндама жасап, орталық өнімдерін таныстырды. Әдіскер М. Шайхсламқызы «Қазақ тілін үйренуге арналған «Saryarqa» веб-сайтының мазмұны мен құрылымын таныстырса, оқытушы Ф. Ерланқызы «Сарыарқа» оқу-әдістемелік кешенінің ютуб каналындағы контентке шолу жасады.
Пленарлық жиынның соңы пікір алмасуға ұласты. Жетісу облыстық «Тіл» оқу-әдістемелік орталығының басшысы Ж. Жолдыбаев өз кезегінде жасанды интеллектінің орнымен пайдалана білсе, жалпы адамзат үшін шексіз мүмкіндіктері көп екендігін тілге тиек етті.
Іс-шараға республикалық Жетісу, Абай, Ақтөбе, Қостанай, Жамбыл, Петропавл облыстық тілдерді оқыту орталықтарының басшылары мен оқытушы-әдіскерлері қатысты.
Іс-шараның практикалық бөлімінде Көксу аудандық филиалының меңгерушісі О.Қойчибеков «Тілдерді оқытуға арналған платформалар» тақырыбында шеберлік сағатын көрсетті. Сондай-ақ, Қарағанды, Ақтөбе, Қостанай облыстық тілдерді оқыту орталықтары мамандары орталықта атқарылып жатқан жұмыстары мен қолға алынған жобалары туралы ақпарат беріп, ой бөлісті.
Мекеме басшысы
© 2020 «Жетісу облысының «Тіл» оқу-әдістемелік орталығы» КММ
ҚР, Жетісу облысы, г.Талдыкорган, Микрорайон КАРАТАЛ, 36Б
8(7282) 41-80-20
