2025 жылы І жартыжылдықта “Сіз білесіз бе?” айдары бойынша 60 бейнеролик, “Сөздік” айдары бойынша 21 бейнеролик түсіріліп, “Көнерген сөздер” айдары бойынша 7 бейнеролик түсіріліп орталықтың әлеуметтік желідегі парақшаларына жарияланды. “Сөзтүзер” бағдарламасы “Жетісу” телеарнасынан тұрақты көрсетіледі. Аталған айдар бойынша 40 бейнеролик түсірілді.
2025 жылғы І жартыжылдыққа қабылданған тыңдаушылар саны – 2163 (мемлекеттік тіл - 1737, ағылшын тілі - 426), топ саны - 140. Оның ішінде 502 мемлекеттік, 924 бюджеттік сала қызметкерлері, 737 жеке тұлға. Ұлттық құрамы: 1467-і қазақ, 696-сы этнос өкілдері (32 %). Сертификат алғандар - 1401, куәлік алғандар - 528, анықтама алғандар - 200, курстан шыққандар - 34.
Мемлекеттік тілді оқыту курсына қабылданған тыңдаушылар саны –1737, топ саны - 110, оның ішінде 445 мемлекеттік, 715 бюджеттік сала қызметкерлері, 577 жеке тұлға. Ұлттық құрамы: 1103-і қазақ, 634-і этнос өкілдері (36%). Сертификат алғандар - 1056, куәлік алғандар - 528, анықтама алғандар - 128, курстан шыққандар - 25.
Ағылшын тілі курсына 426 тыңдаушы қабылданды. Топ саны - 30, оның ішінде 57 мемлекеттік, 209 бюджеттік сала қызметкерлері, 160 жеке тұлға. Ұлттық құрамы: 364-і қазақ 62-і этнос өкілдері (17%). Сертификат алғандар - 345, анықтама алғандар - 72, курстан шыққандар - 9.
Медиажоспарға сәйкес, 13 мақала: 4 аудандық, 7 облыстық, 2 республикалық БАҚ беттеріне орталық қызметкерлерінің мемлекеттік тілді насихататуға бағытталған мақалалары жарық көрді.
Жыл басынан бері 63 танымдық іс-шара (26 танымдық сабақ, 25 бейнеқұттықтау, 2 қайырымдылық акциясы, 3 тазалық акциясы, 1 республикалық семинар, 1 тіл акциясы, 1 байқау, 1 біліктілікті арттыру курсы, 1 семинар, 1 фестиваль) өтті.
2025 жылғы І жартыжылдыққа қабылданған тыңдаушылар саны – 2163 (мемлекеттік тіл - 1737, ағылшын тілі - 426), топ саны - 140. Оның ішінде 502 мемлекеттік, 924 бюджеттік сала қызметкерлері, 737 жеке тұлға. Ұлттық құрамы: 1467-і қазақ, 696-сы этнос өкілдері (32 %). Сертификат алғандар - 1401, куәлік алғандар - 528, анықтама алғандар - 200, курстан шыққандар - 34.
Мемлекеттік тілді оқыту курсына қабылданған тыңдаушылар саны –1737, топ саны - 110, оның ішінде 445 мемлекеттік, 715 бюджеттік сала қызметкерлері, 577 жеке тұлға. Ұлттық құрамы: 1103-і қазақ, 634-і этнос өкілдері (36%). Сертификат алғандар - 1056, куәлік алғандар - 528, анықтама алғандар - 128, курстан шыққандар - 25.
Ағылшын тілі курсына 426 тыңдаушы қабылданды. Топ саны - 30, оның ішінде 57 мемлекеттік, 209 бюджеттік сала қызметкерлері, 160 жеке тұлға. Ұлттық құрамы: 364-і қазақ 62-і этнос өкілдері (17%). Сертификат алғандар - 345, анықтама алғандар - 72, курстан шыққандар - 9.
Жыл басынан бері 63 танымдық іс-шара (26 танымдық сабақ, 25 бейнеқұттықтау, 2 қайырымдылық акциясы, 3 тазалық акциясы, 1 республикалық семинар, 1 тіл акциясы, 1 байқау, 1 біліктілікті арттыру курсы, 1 семинар, 1 фестиваль ) өтті.
Медиажоспарға сәйкес, 13 мақала: 4 аудандық, 7 облыстық, 2 республикалық БАҚ беттеріне орталық қызметкерлерінің мемлекеттік тілді насихататуға бағытталған мақалалары жарық көрді.
2025 жылғы 23 маусымда Жетісу облысы «Тіл» оқу-әдістемелік орталығының аудандық және қалалық филиалдарында мемлекеттік және ағылшын тілі курсын оқытудың 60 және 120 сағаттық курсының аяқталуына байланысты тыңдаушылардың қорытынды емтиханы басталды. Емтихан 23-25 маусым аралығында өтеді.
Іс-шараның алғашқы бөлімінде Жетісу облысы «Тіл» оқу-әдістемелік орталығының басшысы Ж. Жолдыбаев, облыстардан келген қонақтарды, басқарма басшыларын, облыстық тілдерді оқыту орталықтарының басшылары мен мамандарын, зиялы қауым өкілдерін Тіл сарайымен, орталықтың жұмыс барысымен таныстырды.
Шара аясында ҚР Ғылым және жоғары білім министрлігі Тіл комитетінің төрағасы Е.Тілешов, «Халықаралық «Қазақ тілі» қоғамы» ҚБ Жетісу облысы бойынша төрағасы, Халықаралық Алаш сыйлығының иегері Ә.Әрін, І.Жансүгіров атындағы университеттің Басқарма төрағасы— ректор, заң ғылымдарының докторы, профессор Е.Бурибаев орталық мамандарының құрастыруымен жарық көрген «Тілдерді оқытуға арналған платформалар» әдістемелік құралының тұсауын кесті, сонымен қатар орталық оқытушысы М.Әділбек «Сөзтүзер» жобасын таныстырды.
Іс-шараның практикалық бөліміне Алматы, Атырау, Ақтөбе, Жамбыл, Ұлытау, Ақмола, Қызылорда, Абай облыстарының тілдерді оқыту орталықтарының басшылары мен оқытушы-әдіскерлері қатысты. Іс-шара модераторы— мекеме басшысы Ж. Жолдыбаев.
Жетісу облысы «Тіл» оқу-әдістемелік орталығының Ескелді аудандық филиалының меңгерушісі Ә. Молдабаева «Мемлекеттік тілді үйретудің инновациялық аспектілері», Көксу аудандық филиалының оқытушысы Ж. Шатырбаева «Тілдерді тиімді үйретуге арналған платформалар» тақырыбында семинар-тренинг және шеберлік сабағын көрсетті.
Іс-шара аясында мамандар ой бөлісіп, тәжірибе алмасты, тың идеялар мен нақты шешімдер ұсынылды. Жаңа жобалар таныстырылып, ұлттық тіл саясатын жүзеге асырудың тиімді жолдары қарастырылды.
Бұл семинар – мемлекеттік тілді жаңғыртуға, оның әлеуетін арттыруға бағытталған маңызды қадамдардың бірі.
2025 жылғы 15 мамырда Тіл сарайының Мәжіліс залында Жетісу облысы қоғамдық даму басқармасы және Жетісу облысының «Тіл» оқу-әдістемелік орталығының ұйымдастыруымен ұлы ойшыл, ақын Абай Құнанбайұлының 180 жылдығына арналған «Абай әлемі» атты облыстық семинар өтті. Модераторы - Жетісу облысы “Тіл” оқу-әдістемелік орталығының басшысы Ж. Жолдыбаев. Жетісу облысының қоғамдық даму басқармасының басшысының орынбасары Түстікбаева Ілияс Нұрболұлы іс-шараны кіріспе сөзімен ашты. Шараның негізгі бөлімінде ф.ғ.д., профессор, А.Байтұрсынұлы атындағы Тіл білімі институтының бас ғылыми қызметкері Б.Момынова “Абай және Шәкәрім өлеңдеріндегі рухани, материалдық тілдік бірліктердің қолданысы: ұқсастықтар мен айырмашылықтар”, Абай атындағы ҚазҰПУ «Хәкім Абай» орталығының бас ғылыми қызметкері, ф.ғ.к., абайтанушы Ж. Шойынбет “Хәкім Абайдың даналығы”, І. Жансүгіров атындағы Жетісу университетінің оқытушысы, ф.ғ.к., С. Қожағұлов “ Абайдың ізгі ниеті мен асыл мұраты” тақырыбында баяндама жасады.
Іс-шара барысында ф.ғ.к., Жетісу облысы әкімдігінің Әдеп жөніндегі уәкілі, Ғ.Тұрсынбайұлы, Қазақстан Жазушылар және Журналистер одағының мүшесі, Қазақстан Республикасының Мәдениет қайраткері, Қазақстанның Құрметті журналисі Әміре Әрін, Қазақстанның Құрметті журналисі, Қазақстан Жазушылар одағының мүшесі Н. Әбдірахым Абай шығармаларының тәрбиелік мәні мен маңызына тоқталды. Іс-шара барысында С. Сейфуллин атындағы орталық кітапхана Абай Құнанбайұлының өмірі мен шығармашылығына бағытталған кітап көрмесін ұсынды. Семинарға белгілі абайтанушылар, жетісулық зиялы қауым өкілдері, мемлекеттік қызметкерлер, ғалымдар мен тіл мамандары, атап айтқанда: мемлекеттік қызметтің ардагері Р. Есдәулетов, Жетісу облысы әкімінің инспекторы, ақын, «Ерен еңбегі үшін» медалінің иегері Г. Қасен, Жетісу облысы дін істері жөніндегі басқарма басшысы С. Жаңабай, «Жетісу Медиа» КМК контент-менеджері, ҚР Мәдениет қайраткері, Қазақстанның Құрметті журналисі Ж. Жайлаубаев, Облыстық «Jetisý» газетінің бас орынбасары Р. Тұрғанбаев, «Жетісу» телеарнасы» ЖШС ақпараттық саясат және БАҚ-пен жұмыс бөлімінің басшысы Д. Атантелов және т.б қатысты.
24 сәуірде Алматы облысы Қонаев қаласында Қазақстан Республикасының Ғылым және жоғары білім министрлігі Алматы облысы әкімдігінің қолдауымен «Мемлекеттік тіл саясаты: тәжірибелер мен инновациялар» тақырыбында республикалық семинар басталды. Аталған семинарға Жетісу облысы қоғамдық даму басқармасының тілдерді дамыту және ономастика бөлімінің бас маманы
Қ. Бозтаева және Жетісу облысы «Тіл» оқу-әдістемелік орталығы Ақсу аудандық филиалының меңгерушісі Т. Шермұханова қатысты. Семинардың марапаттау бөлімінде тілдерді дамыту және ономастика бөлімінің бас маманы Қ.Бозтаева ҚР Ғылым және жоғары білім министрлігінің Құрмет грамотасымен, орталығымыздың Ақсу аудандық филиалы меңгерушісі Т. Шермұханова ҚР Ғылым және жоғары білім министрлігінің Алғысхатымен марапатталды.
2025 жылғы 10 сәуірде Жетісу облысының «Тіл» оқу-әдістемелік орталығының ұйымдастыруымен Ахмет Байтұрсынұлы атындағы облыстық «Үздік оқытушы – 2025» облыстық байқауы өтті. Үздік оқытушылар додасы 3 кезеңнен тұрды.
Алғашқы кезеңінде қатысушылар тілді оқытуда пайдаланатын заманауи технологияларымен таныстырды. Екінші кезеңде әдістеме бойынша сұрақтарға жауап берсе, үшінші кезеңде үміткерлер В2 - орта деңгей тыңдаушыларынан құралған топпен сынама сабақ өткізді.
Сайысқа Жетісу облысы «Тіл» оқу-әдістемелік орталығының аудандық және қалалық филиалдарынан 10 үміткер бақ сынады.
Байқауға қоғамдық даму басқармасы тіл бөлімінің басшысы Т. Рахымберлина, №11 орта мектептің мұғалімі М. Халыққызы және «Үздік оқытушы -2023» республикалық байқауының бас жүлде иегері Ж. Елесебаева төрелік етті.
Байқаудың шымылдығын мекеме басшысы Ж. Жолдыбаев кіріспе сөзімен ашып, қатысушыларға сәттілік тіледі.
Байқау қорытындысы бойынша:
І орынды Айгерім Молдабаева (Ескелді ауданы), ІІ орынды Айдана Маманқызы (Ақсу ауданы) және Жадыра Шатырбаева (Көксу ауданы) теңдей бөліссе, ІІІ орынды Мадина Айтова (Лепсі ауылы) иеленді. Қалған
6 қатысушыға ынталандыру жүлдесі берілді. Байқауға қатысушыларға алғысхаттар, дипломдар мен ақшалай сертификаттар табысталды.
Шара соңында мекеме басшысы құттықтау сөз сөйлеп, қазақ тілі оқытушыларының Ахмет Байтұрсынұлы атындағы «Үздік оқытушы-2025» облыстық байқауының жүлдегерлеріне сәттілік тілеп, байқауға қатысқан барлық қатысушыларға ризашылығын білдірді. Биыл аталмыш байқау қыркүйек айына жоспарланып отыр. 2024 жылы байқауға Жетісу облыстық «Тіл» оқу-әдістемелік орталығының Көксу аудандық филиалының меңгерушісі О. Қойчибеков қатысып, жүлделі ІІІ орынды қанжығалаған еді.
Мекеме басшысы
© 2020 «Жетісу облысының «Тіл» оқу-әдістемелік орталығы» КММ
ҚР, Жетісу облысы, г.Талдыкорган, Микрорайон КАРАТАЛ, 36Б
8(7282) 41-80-20
