Жетісу облысы «Тіл» оқу-әдістемелік орталығының басшысы Ж. Жолдыбаев
ҚР жергілікті мемлекеттік басқару және өзін-өзі басқарудың дамуы мен қалыптасуына қосқан үлесі үшін «Қазақстан Республикасы мәслихаттарына 30 жыл» төсбелгісімен марапатталды.
Жеңіс Хамитұлын шын жүректен алған марапатымен құттықтап, қызметіне шығармашылық табыс тілейміз!
Жетісу облысы «Тіл» оқу-әдістемелік орталығы Көксу аудандық филиалының меңгерушісі О. Қойчибеков Абай облысы лингвистикалық орталығының қызметкерлеріне «Zoom» арқылы «Тілдерді оқытуға арналған платформалар» тақырыбында онлайн шеберлік сағатын өткізіп, әдістемелік көмек көрсетті.
Жасанды интеллект, wepik, Chat-gpt сияқты көмекші құралдарды практика жүзінде пайдаланып, түрлі тапсырмалар дайындап, презентация жасап көрсетті.
Шеберлік сағатына Абай облысы лингвистикалық орталығының 10 оқытушы-әдіскерлері қатысты.
Жетісу облыстық «Тіл» оқу-әдістемелік орталығының белсенді қызметкерлерінің арасында креативті топ құрылды. 21 қарашада аталған топ мүшелерінің жиыны өтті.
2024 жылғы 14 қарашада Қарағанды облысы тілдерді дамыту басқармасы және Қарағанды облысы тілдерді оқыту орталығының ұйымдастыруымен «Жасанды интеллект: тіл үйретудегі рөлі мен мүмкіндігі» тақырыбында республикалық семинар-кеңес өтті.
Құттықтау сөзді Қарағанды облысы тілдерді дамыту жөніндегі басқарма басшысы Әбеуова Салтанат Мірәсілқызы алды.
Семинардың алғашқы бөлімінде Қарағанды облысы тілдерді оқыту орталығының директоры А. Игенова «Заманауи оқу құралдары: тіл үйретудегі рөлі мен маңызы» тақырыбында баяндама жасап, орталық өнімдерін таныстырды. Әдіскер М. Шайхсламқызы «Қазақ тілін үйренуге арналған «Saryarqa» веб-сайтының мазмұны мен құрылымын таныстырса, оқытушы Ф. Ерланқызы «Сарыарқа» оқу-әдістемелік кешенінің ютуб каналындағы контентке шолу жасады.
Пленарлық жиынның соңы пікір алмасуға ұласты. Жетісу облыстық «Тіл» оқу-әдістемелік орталығының басшысы Ж. Жолдыбаев өз кезегінде жасанды интеллектінің орнымен пайдалана білсе, жалпы адамзат үшін шексіз мүмкіндіктері көп екендігін тілге тиек етті.
Іс-шараға республикалық Жетісу, Абай, Ақтөбе, Қостанай, Жамбыл, Петропавл облыстық тілдерді оқыту орталықтарының басшылары мен оқытушы-әдіскерлері қатысты.
Іс-шараның практикалық бөлімінде Көксу аудандық филиалының меңгерушісі О.Қойчибеков «Тілдерді оқытуға арналған платформалар» тақырыбында шеберлік сағатын көрсетті. Сондай-ақ, Қарағанды, Ақтөбе, Қостанай облыстық тілдерді оқыту орталықтары мамандары орталықта атқарылып жатқан жұмыстары мен қолға алынған жобалары туралы ақпарат беріп, ой бөлісті.
1 қарашада Тіл сарайында Жетісу облысының «Тіл» оқу-әдістемелік орталығының басшысы Ж.Жолдыбаевтың төрағалық етуімен «Оқыту орталықтарының жұмыстарын жүйелендіру» атты облыстық байқаудың қорытынды жиыны өтті.
Жиын барысында мекеме басшысы жыл көлемінде атқарылған жұмыстар мен жеткен жетістіктерге тоқталып, 2024 жылы өтетін іс-шаралар жоспарымен таныстырды.
Аудандық, қалалық филиалдардың меңгерушілері, оқытушылары қатысқан жиында жыл бойы озық тәжірибесімен, тілдерді оқытудағы заманауи әдіс-тәсілдерін бөлісу арқылы көзге түсіп, тіл саясатын жүзеге асыру жолында аянбай еңбек еткен орталық қызметкерлері марапатталды.
Байқау жеңімпаздарын анықтау үшін құрылған комиссия алдын ала бектілген ережеге сәйкес, әр қатысушыдан өтінімдер жинап, тыңдаушылар туралы ақпарат, жазған мақалалары мен өткізген шараларына мониторинг жасап, әр қатысушының жеке және ұжымдық жұмысын бағалап, сұрыптады.
Байқаудың қорытындысы бойынша «Үздік филиал» номинациясына Ақсу аудандық филиалы, «Үздік меңгеруші» номинациясына Қаратал аудандық филиалының меңгерушісі Г. Есболова, «Үздік қызметкер» номинациясына бас есепші Қ. Оспанова лайық деп танылды.
Байқауға қатысқан барлық жүлдегерлерге алғысхаттар, дипломдар мен ақшалай сертификаттар табысталды.
Приглашаем всех жителей старше 18 лет в клуб разговорного казахского языка «Қазақша сөйлейік!»
Время обучения:
📆среда, пятница
⏰12:30-13:30
⏰15:00-16:00
📅вторник, четверг
⏰17:00-18:00
Обучение проводится совершенно бесплатно.
⏳ Обучение будет проходить 1,5 месяца
📱Тел. для справок: 8 771 439 98 71, 8 708 826 59 50.
‼️Заявки принимаются до 4 ноября!
Мемлекеттік тіл курсының В2 – ортадан жоғары деңгей тыңдаушыларына сертификат табысталды.
Жетісу облысы "Тіл" оқу-әдістемелік орталығының Ақсу аудандық филиалында 28.10.2024 жылы В2 ортадан жоғары деңгей тыңдаушыларынан мемлекеттік тіл курсы бойынша қорытынды емтихан алынды.
18.10.2024 жылы ҚР ғылым және жоғары білім министрлігі Тіл саясаты комитеті және Ақтөбе облысы әкімдігінің ұйыдастыруымен “Қазақ тілінің қолданылу аясын кеңейту және оның қоғамдағы рөлін арттыру мәселесі” атты республикалық семинар өтті. 3D форматында интерактивті көрмемен таныстырудан басталған семинардың ресми бөлімінде мемлекеттің прокуратура, сот процесі, полиция қызметіндегі маңызы туралы мәселелер бойынша арнайы мамандар баяндама оқып, өзекті мәселелер талқыланды. Семинардың практикалық бөлімінде Жетісу облысының “Тіл” оқу-әдістемелік орталығы Ескелді аудандық филиалының меңгерушісі А.Молдабаева “Мемлекеттік тілді меңгерудің инновациялық аспектілері” атты тренинг өткізіп, республиканың әр өңірінен келген әріптестермен тәжірибе бөлісті. Семинар қорытындысы бойынша қатысушыларға сертификат табысталып, А.Молдабаева Ақтөбе облысы Тілдерді дамыту басқармасы басшысының алғыс хатымен марапатталды.
Мекеме басшысы
© 2020 «Жетісу облысының «Тіл» оқу-әдістемелік орталығы» КММ
ҚР, Жетісу облысы, г.Талдыкорган, Микрорайон КАРАТАЛ, 36Б
8(7282) 41-80-20
