Бүгін, Қазақстан Халқы тілдері күні қарсаңында Жетісу облысының «Тіл» оқу-әдістемелік орталығының басшысы Ж. Жолдыбаев «Jetisy» радиосының «Дидар-ғайып» бағдарламасына қонақ болып қайтты. Сұхбат барысында мекеме басшысы тілдік мәселелер, мекеменің қызметі, жұмыс барысы туралы ақпарат берді.
4 қыркүйек күні Қаратал аудандық филиалында А2 базалық деңгей тыңдаушыларымен орталық оқытушысы А.Б.Мыржикова Қазақстан Халқы тілдері күніне орай "Мемлекеттік тіл - менің тілім" атты танымдық сабақ өткізді. Оқытушы тыңдаушыларға мемлекеттік тілдің маңызын, яғни тәуелсіздіктің ең басты белгісі- оның ана тілі, ұлттық мәдениеті жоқ ел ешқашан егеменді ел бола алмайтындығын айтып түсіндірді.
Сабақ барысында тыңдаушыларға мемлекеттік тіл туралы викториналық сұрақтар қойылды, тыңдаушылар мемлекеттік тілде өз білгендерін ортаға салып, белсенділік танытты. Ақын-жазушылардың тіл туралы жазған өлеңдерін,нақыл сөздерін мәнерлеп оқыды.
4 қыркүйек күні В1 деңгейі тыңдаушыларының арасында “Қазақ тілі- менің тілім” атты ашық сабақ өткізілді.
Жаңа сабақ құттықтаумен, тіл мерекесін таныстырумен басталды.
“Ұлттың сақталуына да, жоғалуына да себеп болатын нәрсенің ең қуаттысы – тіл”,деп ұлттың ұлы ұстазы Ахмет Байтұрсынұлы атамыз айтып өткендей, қазақ тілі — дүние жүзіндегі ең бай, ең көркем тілдердің бірі.
Сабақ барысында тыңдаушылар қазақ ақын-жазушыларының оймақтай ойларымен танысып,мақал-мәтел айтып сайысты.
Оқытушы: М. Әділбек
5 қыркүйек тіл мерекесіне орай, 4 қыркүйек күні Алакөл аудандық «Тіл» оқу-әдістемелік орталығының ұйымдастыруымен «Жеті жұрттың тілін біл,Өз тіліңді құрметте» атты танымдық сабақ өткізілді. Сабаққа мемлекеттік тілді оқыту А1- 2 тобымен өткізілді. Топ тыңдаушылары сабақ барысында қазақ тілінде оқыған кітаптары мен бөлісіп, тіл туралы өлең шумақтарын оқыды.
Шараның басты мақсаты— тыңдаушыларға ана тілімізді ардақ тұтып, өзге тілді игерудің және де елімізде тату тәтті өмір кешіп жатқан ұлттар мен ұлыстардың тіл мәдениетіне құрметпен қарауды дәріптеу. Сонымен қатар өз ана тіліміздің тазалығын, көркемділігін, байлығын, шешендігін, әуезділігін сақтай отырып, ана тіліне сүйіспеншілікті арттыру, мемлекеттік тіл мәселесін көтеруге үлес қосу. Шын мәнінде тіл ұлттың жаны, ары және бірліктің бастауы. Қай ұлт болса да оның басты құндылығы тілі екені даусыз.
Қазіргі ғылым мен техниканың заманында қазақ жастары әлемдік интеграция үрдісіне ілесіп, дүниежүзінде нарық пен ғылымның тілі болған ағылшын, қытай, неміс тілдерін игеру заман талабы. Әлемде дамыған елдердің бірі Жапонияда жас ұрпағына әуелі ана тілін толық меңгермей тұрып өзге тілді үйретуге рұқсат бермейді. Әрине, бұл да игі дәстүр. Осы тұрғыдан аталмыш шара барысында тыңдаушылар өз ойларын ортаға салып, пікір алмасып, ана тіліміздің қадірін түсінумен бірге өзге тілдерге құрметпен қарау туралы тұшымды ойларымен бөлісті.
Білім күнімен тұспа-тұс келген бұл жолдауды да қалт жібермей тыңдадық. Президент «Көрпеңе қарай көсілу керек» дей отырып, ел экономикасындағы қиыншылықтар мен одан шығудың жолдарын ұсына отырып, салық төңірегінде, инвестиция, кәсіп бастау, мемлекеттік сатып алудың жаңа жүйелері, мемлекеттік қаржының талан-таражға салынбауы, т.б. келелі мәселелерге қатысты нақты тапсырмалар берді.
«Ұлттық табыстың игілігін жұрттың бәрі бірдей көріп отырған жоқ, ұлт мүддесі үшін біріге отырып, әділетті қоғам құруда бірлесе жұмыс жүргізу керек» деген Президентті біз әрдайым қолдаймыз!
2023 жылдың 17 тамыз күні Жетісу облысының «Тіл» оқу-әдістемелік орталығының ұйымдастыруымен облыстық «Jetisy» газетінің 105 жылдығына орай, дұрыс сөйлеу, сауатты жазу, өзге тілдегі ақпаратты қазақ тіліне сауатты аударудағы әдеби норманы сақтау және түзету, әдістемелік көмек көрсету мақсатында «Тіл мен тілші» тақырыбында дөңгелек үстел өтті.
2023 жылы 17 тамыз күні Жетісу облысының тілдерді дамыту жөніндегі басқармасының ұйымдастыруымен «Мемлекеттік тіл және БАҚ» атты облыстық байқау өтті.
Байқау жүлдегерлерінің ішінде орталық қызметкерлері де табылды.
Атап айтар болсақ, Ақсу аудандық филиалының меңгерушісі
Б. Қанатқызы «Үздік мақала» номинациясы бойынша Б. Құранбек атындағы АРНАЙЫ жүлдені иеленсе, Алакөл аудандық филиалының меңгерушісі А. Сейсенбай «Үздік мақала» номинациясы бойынша ЫНТАЛАНДЫРУ жүлдесімен марапатталды.
10 тамыз - Абай күніне орай Жетісу облысы "Тіл"оқу-әдістемелік орталығының Қаратал аудандық филиалында ортадан жоғары В2 тыңдаушыларымен "Қазақ поэзиясының сұңқары "атты танымдық сабақ өтті.
2023 жылдың 10 тамыз күні Кербұлақ аудандық филиалында Абай күніне орай іс жүргізу курсының тыңдаушыларына «Абайдың асыл сөздері » тақырыбында қазақтың дара ақыны, ғұлама, ойшыл, ағартушы Абай есімін ұлықтау мақсатында танымдық сабақ өтті.
Абайкүні — Қазақстан Республикасының мерекелік күнтізбесіне енген күн. Қазақстан Республикасы Үкіметінің Қаулысымен 10 тамыз Абайкүні болып белгіленді. Бұл мереке 2020 жылы аталып өтілетін Абай Құнанбайұлының 175 жылдық мерейтойының қарсаңында бекітілді. Жетісу облысының «Тіл» оқу-әдістемелік орталығының аудандық, қалалық филиалдарында 8 танымдық сабақ және 1 ашық сабақ өткізу жоспарланған.
Мекеме басшысы
© 2020 «Жетісу облысының «Тіл» оқу-әдістемелік орталығы» КММ
ҚР, Жетісу облысы, г.Талдыкорган, Микрорайон КАРАТАЛ, 36Б
8(7282) 41-80-20
